Mishi i përpunuar – sallami, suxhuku, salsiçja (virshlla) dhe proshuta – shkaktojnë kancer, ka thënë sot Organizata Botërore e Shëndetësisë (OBSH).
Sipas raportit të saj, konsumimi i 50 gramë mish të përpunuar në ditë – dy copa proshutë – e rrit mundësinë e kancerit në zorrën e trashë për 18 për qind.
Sipas OBSH-së, mishi është i shëndetshëm por problemi qëndron në konservanset dhe substancat kimike të cilat u shtohen mishrave të përpunuara për t’ua zgjatur afatin e përdorimit.
“Sidoqoftë, rreziku për shkaktimin e kancerit të zorrës së trashë nga mishi i përpunuar është i vogël, mirëpo ky rrezik rritet me shtimin e sasisë së konsumuar”, ka deklaruar Kurt Straif nga OBSH.
