Kompozitori i njohur Shpëtim Saraçi ka tejkaluar momentet e vështira me shëndetin dhe i është rikthyer punës, duke marrë përsipër udhëheqjen artistike të Festivalit në RTSH.
Në internet është publikuar një fotografi, që tregon Shpëtim Saraçin në formë mjaft të mirë, bashkë me drejtuesin e festivalit Enkel Demi.
Shpëtim Saraçi u dërgua në Gjermani, pak muaj më parë, pasi pësoi një ishemi në tru. Ai është një nga kompozitorët më të njohur në vend.
Kompozimet e tij mbajnë firmën e disa hiteve më të njohura pas viteve ’90-të, kënduar nga emrat më të mirë të muzikës shqiptare. Vitet e fundit ai ka qenë drejtor artistik i Festivalit të Këngës në Radio Televizionin Shqiptar.
Në 2010-ën, kënga e kompozuar dhe orkestruar prej tij, “Kënga ime”, e kënduar nga Aurela Gaçe, prezantoi Shqipërinë në “Eurosong”. Ai është i martuar me këngëtaren Mira Konçi dhe nga martesa e tyre kanë lindur dy fëmijë.