Gjëndra e prostatës është pjesë e sistemit reproduktiv mashkullor, e cila prodhon një lëng i cili përzihet me spermën dhe lëngjet tjera gjatë ejakulimit. Madhësia normale e saj është sa ajo e një arre.
Kanceri i prostatës nënkupton formimin e një grupi jo normal të qelizave në prostatë. Si shumica e kancereve, edhe kanceri i prostatës mund të jetë agresiv (malinj) dhe të përhapet në pjesë tjera të trupit (të metastazojë).
Të rrezikuar nga kanceri i prostatës janë meshkujt e të gjitha moshave, megjithatë më i shpeshtë është mbi 50 vjeç. Në fakt 8 nga 10 meshkuj të sëmurë nga kanceri i prostatës janë të moshës mbi 65 vjeç.
Simptomat e mundshme të kancerit të prostatës
Në fazën e parë të sëmundjes, zakonisht nuk ka simptoma. Simptomat paraqiten pas zhvillimit të kancerit. Shkoni te mjeku nëse i keni simptomat e shënuara më poshtë:
- Vështirësi për të urinuar;
- Forcë të vogël gjatë nxjerrjes së urinës;
- Rrjedhje pasi të keni përfunduar urinimin;
- Urinim të shpeshtë, sidomos natën;
- Gjak ose qelb në urinë;
- Dhimbje gjatë urinimit;
- Dhimbje gjatë ejakulimit;
- Dhimbje në ije dhe në pjesën e poshtme të shpinës e cila është vazhdueshme
- Dhimbje në pjesën e poshtme të legenit;
- Humbje në peshë dhe humbje të apetitit. /mjeku/
Postimi Kanceri i prostatës, simptomat u shfaq i pari në Femina.al.