A keni menduar ndonjëherë për origjinën e emrit Sherebelë? Rrjedh nga latinishtja dhe do të thotë “shërim”.
Sherebela është e lidhur shpesh me anën femërore dhe është një aleate e vlefshme e femrave, në veçanti për shqetësimet e vogla apo të mëdha që mund të ndodhin çdo muaj me ciklin menstrual, por edhe në moshën e menopauzës. Efektet e kësaj bime për mirëqenien e femrave ndihmojnë për të balancuar sistemin hormonal.
Në lidhje me menopauzën, efekti pozitiv i sherebelës lidhet me zbutjen e problemit të bezdisshëm të flukseve të nxehtësisë. E dobishme edhe në rastet e dhimbjes së kokës, migrenës (veçanërisht nëse provokohet gjatë ciklit menstrual apo menopauzës), dhe problemeve të frymëmarrjes dhe sekrecioneve të mushkërive.
Mënyra më e lehtë për ta përdorur atë është që të vendoset 4-5 gjethe sherebele në 1 gotë me ujë të vluar, dhe t’i lëmë të kullojnë për rreth 3 minuta, pastaj të filtrohet dhe pihet çaji, duke shtuar një lugë mjaltë. Sherebela, është e përkryer në rastet e problemeve t tretjes, por edhe për problemet më të zakonshme tek gratë në moshë riprodhuese që kanë të bëjnë me fertilitetin.
Postimi Sherebela – bimë e vlefshme e femrave u shfaq i pari në Femina.al.