Qumështi i Artë është një pije e shijshme dhe tepër e shëndetshme, të mirat e së cilës janë të pafundme. Ёshtë veçanërisht e përshtatshme për ta konsumuar në mbrëmje.
Përbërësi kryesorë në këtë reçetë është turmeriku (shafrani i Indisë), i cili ka veti antioksidante, anti-inflamatore dhe anti-kancerogjene. I kombinuar me piper, përfitimet e turmerikut rriten në mënyrë të konsiderueshme.
Përparësi të tjera:
- Forcon sistemin imunitar;
- Anti – kancerogjen;
- Ndihmon tretjen e ushqimit;
- Pastron mëlçinë;
- Rregullon metabolizmin;
- Normalion tensionin e lartë të gjakut;
- Përmireson shëndetin e trurit dhe forcon kujtesën;
- Efektiv në probleme të ndryshme të lëkurës;
- Zvogëlon trigliceridet;
- Antioksidant, antiseptik, analgjezik
Si përgatitet Qumështi i Artë?
Ka disa mënyra përgatitjeje, por ne do t’ju sugjerojmë atë më të thjeshtën.
Përbërësit (për 1 person):
- 1 filxhan qumësht;
- ½ lugë (gjelle) turmerik pluhur;
- ½ lugë (e vogël) piper pluhur;
- 1 lugë (gjelle) mjaltë;
- ½ lugë (gjelle) vaj kokosi;
- ¼ lugë (gjelle) kanellë pluhur
Përgatitja:
Ngrohni qumështin në nxehtësi mesatare. Shtoni të gjithë përbërësit dhe përziejini vazhdimisht, por jo deri në vlim. Kullojeni, shtoni mjaltin dhe shijojeni.
Shënim: Qumështi preferohet vegjetal (qumësht bajame, kokosi, etj).
Me shtimin e piperit të zi në enën ku ndodhet turmerik, rritet aftësia përthithëse e trupit deri në 2000%.
The post “Qumështi i artë” – pija që do t’ju ndryshojë jetën appeared first on Femina.al.